തിരുവല്ല റെയിൽവേ സ്റ്റേഷൻ അഥവാ തിരുവല്ല തീവണ്ടിനിലയം, പത്തനംതിട്ട ജില്ലയിലെ തിരുവല്ല നഗരത്തിൽ പ്രവർത്തിക്കുന്ന ഒരു റെയിൽവേ സ്റ്റേഷൻ ആണ്, സതേൺ റെയിൽ‌വേയുടെ തിരുവനന്തപുരം റെയിൽ‌വേ ഡിവിഷന് കീഴിലാണ് സ്റ്റേഷൻ. ഇത് ഒരു എൻ‌എസ്‌ജി 3 കാറ്റഗറി സ്റ്റേഷനാണ്. പത്തനംതിട്ട ജില്ലയിലെ ഏക റെയിൽ‌വേ സ്റ്റേഷനാണിത്. തിരുവനന്തപുരം, കൊച്ചി, കോഴിക്കോട്, മംഗലാപുരം, ബാംഗ്ലൂർ, കോയമ്പത്തൂർ, മധുര, ചെന്നൈ, ഹൈദരാബാദ്, തിരുപ്പതി, പൂനെ, ഭോപ്പാൽ, മുംബൈ, ന്യൂഡൽഹി തുടങ്ങിയ നഗരങ്ങളിലേക്ക് ദിവസേന ട്രെയിൻ ഉണ്ട്.